Թվային մարքեթինգի մասնագետ Գայանե Մելքումյան
Փոքր և միջին բիզնեսների 81%-ը ներկա է սոցիալական հարթակներում:
Եթե մտածենք հաճախորդների գործունեության և առօրյայի մասին, ապա կարող ենք տեսնել, որ նրանք օրվա որոշակի ժամանակահատված անցկացնում են սոցիալական ցանցերում։ Ըստ հետազոտությունների, միջինում մենք մեր կյանքի 5 տարին և 3 ամիսը ծախսում ենք սոցիալական ցանցերում, իսկ օրական 116 րոպե են ծախսում համացանցում։
Թեև ամբողջ աշխարհում օգտագործում են բազմաթիվ սոցիալական հարթակներ, Հայաստանում ակտիվ գործածվում են հատկապես Facebook-ն ու Instagram-ը։ Facebook-ն այսօր ամբողջ աշխարհում ունի ամսական 2,3 մլն. ակտիվ օգտատերեր (MAU)։
Այս նյութում, հատկապես կխոսեմ ֆեյսբուքյան գովազդի ձևաչափերի, ֆորմատների և տեսակների մասին։
Ըստ Alexa և SimilarWeb կայքերի, ֆեյսբուքը Google-ից հետո ամենաշատ այցելվող կայքն է, որն այժմ փոխարինում է Youtube-ին։
Ֆեյսբուքի գովազդի դիտորդների 35%-ը 25 տարեկանից ցածր տարիք ունի։
Ֆեյսբուքյան գովազդի ներգրավածության մակարդակը միջինում 3․91% է
Նախքան ֆեյսբուքյան գովազդների ձևաչափերին անցնելը, կցանկանամ խոսել ֆեյսբուքյան գովազդի նպատաների և տեսակների մասին։
Նպատակները
Ֆեյսբուքն առաջարկում է 11 նպատակային գովազդի եղանակներ, որոնք իրենց հերթին բաժանվում են 3 կատեգորիաների։
- Իրազեկում (Awareness): Գովազդի այս տեսակի նպատակն է Ձեր ապրանքի կամ ծառայության հանդեպ հետաքրքրություն առաջացնելը
- Քննարկում (Consideration): Այս գովազդի տեսակը մարդկանց շահագրգռում է փնտրել հավելյալ տեղեկատվություն ձեր բիզնեսի մասին։
- Փոխարկում (Conversion): Այս գովազդի նպատակն է ձեր ծառայությամբ կամ ապրանքով հետաքրքրված մարդկանց դրդել գնման գործողության։
Խոսեմ գովազդի ամենատարածված կատեգորիաների մասին
Ներգրավող գովազդ /Post engagement/։ Սա մտնում է «իրազեկում » գովազդի տեսակի մեջ, որն իր հերթին բաժանվում է 3 տարբեր կատեգորիաների․
- Post engagement
- Page like
- Event responses
Ներգրավող գովազդի տեսակով հնարավոր է ձեռք բերել շատ հավանումներ, էջի լայքեր, մեկնաբանություններ, Share-ներ։ Այս դեպքում չափելի է մեկ ներգրավածության արժեքը (CPE)-ն:
Գովազդի տեսակները կամ կրեատիվները Facebook-ում
Ֆեյսբուքն առաջարկում է 5 տարբեր գովազդի տեսակներ։ Սրանց մասնագիտական լեզվով նաև կարելի է կոչել կրեատիվներ։
- Կարուսել (Carousel): Ստեղծել 2-ից մինչ 10 նկար պարունակող, մեկը մյուսից հետո անցում կատարող նկարներ կամ վիդեոներ։
- Նկար (Single image): Կարող եք ստեղծել մինչև 7 նկարի տարբերակից բաղկացած գովազդներ։
- Վիդեո (Single video): Ստեղծեք գովազդներ մեկ վիդեյից կազմված
- Սլայդշոու (Slideshow): Ստեղծեք մինչև 10 նկարից բաղկացած գովազդներ սլայդների տեսքավ
- Հավաքածու (Collection): Ձեր ապրանքատեսականին ներկայացրեք ամբողջական էկրանի ձևաչափով։
1. Նկար
Նկարներից բաղկացած գովազդներն ամենատարածվածն են։ Սա կարող եք օգտագործել գովազդի ցանկացած նպատակներով՝ բացառությամբ վիդեո դիտումը։
Նկարի չափսերը
- 1,200 x 628 pixels-Ուղղանկյուն նկար
- 1200×1200-քառակուսի նկար
- Facebook-ի և instagram-ի սթորիների նկարների չափսերը։ 1,080 x 1,920 pixels
2. Վիդեո
Մարքեթոլոգների 87%-ը իրենց գովազդներում օգտագործում են վիդեո բովանդակությունը։
Վիդեո մարքեթինգը համարվում է ժամանակակից գովազդի զարգացման միտումներից, և այն ավելի արդյունավետ է գովազդի տեսանկյունից և նվազ ծախսատար՝ բյուջեի տեսանկյունից։
Մարդկանց մեծամասնությունը ցանկանում է տեսնել վիդեո բովանդակություն
«Ավտոփլեյ» վիդեոները ֆեյսբուքի հեռախոսային տարբերակում ունեն ավելի բարձր click-through rates և ավելի ցածր գովազդի արժեք, քան համակարգչային տարբերակում։
Ըստ ուսումնասիրության, կարճ՝ 15–30 վայրկյան տևողությամբ վիդեոները ունեն բարձր ադյունավետություն։ Ըստ այդմ, վիդեոյի տևողությունը մեծ դերակատարում ունի արդյունավետ գովազդների հարցում։
Վիդեոյի թույլատրելի ձևաչափերը՝
- Ֆորմատը` .mp4, .mov, .gif և այլ ձևաչափեր
- Հարաբերակցությունը` 9:16 x 16:9
- Ֆայլի չափսը` 4GB max
- Տևողությունը` 1 վայրկյանից մինչև 240 րոպե
3. Հավաքածու
Այս ձևաչափը հնարավորություն է տալիս տեղադրել գովազդներ հետևյալ նպատակներով՝
- Տրաֆիկ (Traffic)
- Վաճառքներ (Conversions)
- Կատալոգային վաճառքներ (Catalog Sales)
- Այցելություն խանութ (Store Visits)
Հավաքածուի միջոցով գովազդելու առավելությունը հետևյան է. այն թույլ է տալիս ներկայացնել ծառայությունները իր ողջ տեսականիով։ Կարելի է ստեղծել 4 և ավելի նկարներից կամ վիդեոյից բաղկացած հավաքածուներ։ Հավաքածուն գովազդային ձևաչափ է, որը մարդկանց հնարավորություն է տալիս հայտնաբերել առաջարկվող ծառայությունները ավելի մանրամասնորեն և պատկերավոր կերպով։
4․ Կարուսել
Կարուսելը հնարավորություն է տալիս 2 և ավելի նկարների միջոցով կարուսելի նման իրար ետևից ընթացող նկարներով գովազդ տեղադրել։
Ըստ մարքեթոլոգների, կարուսելի գովազդները սովորական նկարով գովազդներից 10 անգամ արդյունավետ են։
«Կարուսելները ֆեյսբուքի համար մեծ բում են», — Kinetic Social- ի գործադիր տնօրեն Դոն Մաթիոս։
«Գինը մրցունակ է, եւ արդյունքները հիասքանչ են» ։
Կարուսելի առավելություններից է նաև այն, որ յուրաքանչյուր նկար կարող է հաճախորդին ուղղել կայքի համապատասխան էջ, որտեղ կարող է ծանոթանալ մանրամասն նկարագրին, կամ իրականացնել գործարք։
Նկարի նախընտրելի չափսերը: 1,080 x 1,080 pixels (30MB max)
Նկարների քանակը: Առավելագույնը 10 նկար
5․ Սլայդշոու
Facebook-ի սլայդշոու գովազդի ֆորմատը հնարավոություն է տալիս ստեղծել վիդեոյին նման շարժական պատկերով գովազդ, որի տեքստը, և ուղեկցող երաշտությունը վիդեոյի տպավորություն են ստեղծում։ Ի տարբերություն վիդեո գովազդների, սլայդշոուի գովազդները հեշտ և արագ են պատրաստվում։ Այն կարելի է պատրաստել հեռախոսով և համակարգչով րոպեների ընթացքում՝ հենց Facebook-ում ։
Ինչպիսի՞ բովանդակություն կարելի է գովազդել սլայդշոուի միջոցով
- Ցույց տալ ծառայության առավելությունները։ Եթե բիզնեսն ունի մի-քանի առավելություն օրինակ ՝ տուր փաթեթների անվճար առաքում։ Մեկ նկարում կարելի է գրել տեքստը առավելության մասին, հաջորդ նկարում՝ տուրից դժգոհ լինելու դեպքում երաշխավորում են գումարի 100 %-ի վերադարձը։ Այսպիսով, սլայդշոուի միջոցով կարելի է ցույց տալ մի քանի առավելություններ։
- Ծառայություններ ցանկը։ տուրիստական ընկերության դեպքում յուրաքանչյուր նկարում կարելի է գովազդել մեկ ծառայություն։ Արդյունքում, մարդը դիտելով սլայդշոուն պատկերացում կկազմի բոլոր տուր փաթեթների վերաբերյալ։
- Ցույց տալ գործընթացը։ Օրինակ. եթե հեռախոսային հավելված է գովազդվում, կարելի է ցույց տալ, թե ինչպես է այն աշխատում։ Առաձին նկարում հեռախոս, որի վրա հավելվածի լոգոն է , 2-րդ նկարում` քայլերի մյուս հերթականությունը, թե ինչպես ներբեռնել։ Այսպես կարելի է ցույց տալ ողջ պրոցեսը։
- Պատմել բիզնեսի պատմությունը։ Եթե բիզնեսն ունի առանձնահատուկ պատմություն, դա կարելի է անել նկարների և տեքստի միջոցով` յուրաքանչյուր պատկերում ներկայացնելով պատմությունից մեկ հատված (Storytelling)։
- Նկարի նախընտրելի չափսերը:1,280 x 720 pixels
Գովազդի այլ ձևաչափեր
Ակնթարթային փորձ / Instant experience/
Instant experience-ը ողջ էկրանի չափով full-screen գովաղդի տեսակ է, որը հնարավորություն է տալիս ծառայությունը ավելի պատկերավոր ներկայացնել ողջ հեռախոսի էկրանով։ Instant experience-ում կարելի է օգտագործել վիդեո, նկար, կարուսել, սլայդշոու գովազդի ձևաչափերը և նշել բոլոր ծառայությունները։
Սա կարելի է պատրաստել գովազդի կաբինետի և Creative Hub-ի, իսկ ծրագրավորողների դեպքում՝ Ads API-ի միջոցով ։
Դրանց առավելություններն են՝
- Ապահովում է ուղղահայաց, էկրանի չափով պատկերի լուծումներ՝ բազմաթիվ կաղապարներով (Templetes)
- Արագ է բեռնում և անմիջապես ուշադրություն գրավում
- Բովանդակությունը արդյունավետ ցուցադրում է ողջ էկրանով՝առանց ֆեյսբուքից դուրս գալու, ինչը կայքի տպավորություն է ստեղծում
- Աշխատում է նկարի բոլոր ձևաչափերով:
Կարող եք ավելացնել հետևյալ 6 բաղադրիչները՝
- Նկար
- Վիդեո
- Կարուսել
- Տեքստային բլոկ
- Կոճակներ (Button)
- Վերնագիր (Header)
Հետևյալ բաղադրիչները կարող եք օգտագործել բազմաթիվ անգամներ, և յուրաքանչյուր անգամ տարբեր գույներով ու տեսքով։
Lead-երի գեներացման գովազդ
Lead-երի գեներացումը շատ կարևոր է, հատկապես այն պատճառով, որ այն թույլ է տալիս բիզնեսին մեծացնել վաճառքները։ Լիդերը պոտենցիալ հաճախորդներն են՝ այն մարդիկ, որոնք հնարավոր է ունենան հետաքրքրություն տվյալ ծառայության նկատմամբ։
Լիդ ֆորմայի միջոցով ընկերությունը կարող է տրամադրել օգտակար տեղեկատվություն. օրինակ ՝ գիրք, վիդեո։ Մարդիկ գիրքը ձեռք բերելու համար պատրաստ կլինեն իրենց ցանկությամբ տվյալ ընկերությանը տրամադրել իրենց անձնական տվյալները՝ անուն, ազգանուն, հեռախոսահամար, էլ․ հասցե և այլն։ Այն կարելի է կապել CRM համակարգի հետ, և այդ տվյալները պահելով սկսել աշխատել տվյալ բազայի վրա և վաճառք իրականացնել։
Առաջարկ (Offer)
Հաճախորդների համար հատուկ առաջարկները կամ զեղչերը կարելի է գովազդել հենց այդ ձևաչափով։ Այստեղ կարելի է օգտագործել նկար, վիդեո և կարուսել գովազդի կրեատիվները։
Մի քանի փաստեր և վերլուծություններ ֆեյսբուքյան գովազդների մասին՝
- Facebook- ի գովազդները չափազանց զգայուն են սեզոնայնության հանդեպ: Ֆեյսբուքի գովազդային ալգորիթմերի կառուցված են աճուրդների վրա, և գովազդի գինը որոշվում է ելներով տարբեր գործոններից։ Գնի վրա ազդում է նաև այն, թե տվյալ թիրախի և կոնտենտի վրա քանի գովազդառու է աշխատում։ Ինչքան շատ մարդ աշխատի միևնույն թիրախի վրա, այնքան թանկ կարժենա գովազդի մեկ Cost-per-click-ի արժեքը։ Սա է պատճառը, որ , օրինակ Սև ուրբաթի «Black Friday», և ամանորի օրերին սովորաբար բարձրանում է գովազդի արժեքը։
2․ Տեքստի ծավալը ազդում է գովազդի առաքման վրա։ Ինչքան շատ լինի տեքստը, այնքան ավելի վատ արդյունքներ կունենա գովազդը։ Սովորաբար, երբ տեքստի ծավալը 20%-ից շատ է, Facebook-ը երբեմն թույլ է տալիս տեղադրել գովազդ, սակայն զգուշացում է, որ տեքստի շատ լինելու պատառով ցածր արդյունավետություն կցուցաբերի գովազդը։
3․Ֆեյսբուքում հնարավոր է վերաթիրախավոում (Retargeting) իրականացնել։ Այս գործիքը հնարավորություն է տալիս կայքի այցելուներին գովազդ ցուցադրել ֆեյսբուքում։ Facebook pixels-ը կոդ է, որը տեղադրելով կայքում, կարողանում են հաշվարկել կանվերսիան, արդյունավետ դարձնեն գովազդները, գովազդների համար ստեղծեն թիրախավորված լսարան ։
4․ Առավելոգույն արդյունավետության հասնելու համար անհրաժեշտ է տեստավորել գովազդները։ Նախքան գովազդային մեծ բյուջե նախատեսելը, անրաժեշտ է իրականացնել A/B թեստ, որպեսզի հնարավոր լինի բյուջեյի հիմնական մասը ուղղել արդյունավետ արշավի իրականացման համար։
5․ Facebook-ում գովազդի արդյունքները կարելի է չափել։Այստեղ ձեզ համար հասանելի է վերլուծական տվյալները։
6․ Ստեղծել վիդեո գովազդներ։ Մարդկանց 36 և ավել տոկոսը վստահում է վիդեո բովանդակությանը։ Վիդեո գովազդները կրճատում են գովազդի ծախսերը և մեծացնում արդյունավետությունը։
7․ Ստեղծեք մարքեթինգային ռազմավարություն։ Գովազդը չի կարող արդյունավետ լինել, եթե հիմնված չէ ընկերության ընդհանուր մարքեթինգային պլանի վրա։
8․ Ստեղծեք օգտակար բովանդակություն և յուրօրինակ գովազդային նկարներ։ Նկարներն ու տեքստը ազդում են գովազդների արդյունավետության վրա։ Դա նունպես կարելի է թեստավորել առանձին։
9․ Նախքան գովազդներ ստեղծելը ուսումնասիրեք շուկան․բացահայտեք Ձեր հաճախորդների պահանջները, ստեղծեք Ձեր հաճախորդի նկարագիրը։ Սա կօգնի բավարարել հաճախորդի պահաջները, դիպել նրանց ցավոտ կետերին և առաջարկել կոնկրետ լուծումներ։
10․Վերլուծեք գովազդների արդյունքները։ Ինտերնետային գովազդը չափելի է։ Կարելի է չափել մեկ հաճախորդի ներգրավման արժեքը, մեկ ցուցադրման արժեքը, գովազդի մեկ կլիկի արժեքը։
11․ Reaction-ները like-երը լավ են, իսկ share-երը և մեկնաբանությունները համարվում են ավելի լավ Facebook-յան ալգորիթմերի կողմից։ Ներգրավածությունը լավագույն միջոցն է խթանելու գովազդների հասանելիությունը, և այն հրապարակումները, որոնք ունեն բարձր ներգրավածություն ավելի մատչելի է դառնում դրանց համար աճուրդով գովազդ գնելը ։
