Անսպասելի երևույթներին պատրաստ լինելու համար դուք պետք է ձեզ ներկայացնեք որպես ամեն նոր բանի համար բաց անձնավորություն, որպեսզի երբ հնարավորությունների դուռը բացվի, ձեզ համար դժվար չլինի ներս մտնել։
Ebay-ի հիմնադիր Պիեռ Օմիդյար
- 2012 թվականին 900.000 ամերիկյան դոլարով Ebay-ում վաճառվել է փոքրիկ Բուֆորդ քաղաքը, որտեղ 1980 թվականին ապրում էր 3 մարդ: Քաղաքը գնել են 2 վիետնամցի, որոնց մասին հավելյալ տեղեկություններ չեն տրամադրվում:
- Այս պահի դրությամբ Ebay-ում վաճառված ամենաթանկ ապրանքը 168 միլիոն դոլար արժողությամբ զբոսանավն է, որը գնել է անգլիական Չելսի ակումբի սեփականատեր, ռուս մեծահարուստ Ռոման Աբրամովիչը:
- Ebay-ի գործակման օրից վաճառված ամենաառաջին ապրանքը կոտրված լազերային լապտեր էր: Կապ հաստատելով գնորդի հետ՝ Պիեռը հետաքրքրվեց, թե արդյոք նա հասկացել էր, որ այդ լազերային սարքավորումն անսարք է: Դրան ի պատասխան գնորդը բացատրել էր, որ ինքն անսարք լազերային սարքավորումների կոլեկցիոներ է:
- Սկզբում Ebay-ի հիմնադիր Պիեռ Օմիդյարը փոքրիկ ծրագիր է գրում իր անձնական կայքի համար, որի միջոցով մարդիկ կարող էին աճուրդով վաճառել որևէ ապրանք:
Ինչպես հետագայում հաստատում է Օմիդյարը` ծրագիրը նա գրում է օգնելու իր հարսնացուին վաճառել չօգտագործվող կոնֆետների տուփը: Եվ այդ փոքրիկ ծրագիրը տարիների ընթացքում վերածվում է նրան, ինչ կա հիմա: - 2004 թվականին Պիեռն իր կնոջ՝ Պամելայի հետ, հիմնել է «Օմիդյարի ցանց» բարեգործական նորարարական ընկերությունը՝ նպաստելով սոցիալական ձեռնարկատիրության զարգացմանը:
Հեղինակ` Ժաննա Ավագյան
Ինչպես հետագայում հաստատում է Օմիդյարը` ծրագիրը նա գրում է օգնելու իր հարսնացուին վաճառել չօգտագործվող կոնֆետների տուփը: Եվ այդ փոքրիկ ծրագիրը տարիների ընթացքում վերածվում է նրան, ինչ կա հիմա:
