Ինչպե՞ս է լոգոն նպաստում կամ խանգարում ընկերության զարգացմանն ու վաճառքի աճին
Ինչպե՞ս է լոգոն նպաստում կամ խանգարում ընկերության զարգացմանն ու վաճառքի աճին

Ինչպե՞ս է լոգոն նպաստում կամ խանգարում ընկերության զարգացմանն ու վաճառքի աճին

Վերջին տարիներին նկատում ենք, որ ընկերությունները հաճախ են նախընտրում հասարակ, էլեգանտ լոգոներ (օրինակ՝ MastercardDunkin’ կամ էլ Slack-ը)։ Բայց, ինչպես փաստում է վերջին հետազոտությունը, մինիմալիստիկ շատ լոգոներ արդյունավետ չեն, քանի որ նրանք չեն արտացոլում տվյալ ընկերության գործունեությունը։ Էֆֆեկտիվ լոգոն ակնարկում է, թե ինչ ապրանք կամ ծառայություն է առաջարկում տվյալ ընկերությունը։ Այլ կերպ ասած՝ նպաստում է ապրանքանիշի շահութաբերությանը։

«Լոգոները խորհրդանիշներ են, որոնք կազմված են ապրանքանիշի վերաբերյալ տպավորություններից»— բրենդ խորհրդատու Debbie Millman

Հետազոտողները պարզել են, որ նկարագրական լոգոները նպաստում են եկամտի աճինԻնչպե՞ս է լոգոն նպաստում կամ խանգարում ընկերության զարգացմանն ու վաճառքի աճին

Ուսումնասիրությունը, որը հրապարակվել է մարքեթինգային հետզոտության ամսագրում, քննել է 597 լոգո դիզայն` 2000 մասնակիցների օգնությամբ: Լոգոները բաժանված էին երկու տեսակի.

  • Նկարագրական լոգոներ, որոնք ցույց էին տալիս, թե ինչով է զբաղվում տվյալ ընկերությունը/ Burger King /
  • Առանց նկարագրության, աբստրակտ լոգոներ/ McDonald’s /:

Հետազոտողները, որոնք մարքեթինգի պրոֆեսորներ էին Կանադայից, Անգլիայից, Ֆրանսիայից, պարզեցին, որ ընկերությունների 60 տոկոսն օգտագործում է ոչ նկարագրական լոգո, իսկ առաջին տեսակի լոգո նախընտրում է ընկերությունների 40 տոկոսը:

Առանց նկարագրության լոգոները պակաս վստահելի են

Ինչպե՞ս է լոգոն նպաստում կամ խանգարում ընկերության զարգացմանն ու վաճառքի աճին

Առանց նկարագրության լոգոները սովորաբար որևէ ակնարկ չեն անում, թե ինչ արտադրանք կամ ծառայություն է առաջակում տվյալ ընկերությունը: Ուսումնասիրության մասնակիցներն այս տեսակի լոգոները համարեցին անվստահելի, անհասկանալի, անգամ, երբ նրանց բացատրեցին, թե ինչով է զբաղվում տվյալ ընկերությունը: Մեծ ճանաչում ունեցող ընկերություններն, իհարկե, այլևս կարիք չունեն կենտրոնանալու իրենց լոգոյի ոչ նկարագրական լինելու վրա, քանի որ նրանց արդեն այդպես էլ են ճանաչում: Ոչ այդքան հայտնի բրենդներն, այնուամենայնիվ, կարիք ունեն լոգոյով հաղորդակցվելու իրենց հաճախորդների հետ: Աբստրակտ սիմվոլով լոգոն, ինչպիսին է օրինակ` կարմիր աստղը կամ նետը, սովորաբար թույլ տարբերակ է` հաճախորդին ընկերության մասին պատմելու:

Նկարագրական լոգոներն օգնում են հեշտ նույնականացնել

Ինչպե՞ս է լոգոն նպաստում կամ խանգարում ընկերության զարգացմանն ու վաճառքի աճին

Նկարագրական լոգոների մեսիջները սովորաբար ավելի հստակ են: Հաճախորդները կարող են կռահել, որ World Wildlife Fund-ի պանդայով լոգոն ենթադրում է, որ այն կապ ունի կենդանական աշխարհում գործունեության հետ: Սա աշխատում է անգամ այն դեպքում, երբ նկարագրական լոգոն աբստրակտ ոճի է: Օրինակ` Spotify-ի լոգոն, որը 3 կոր գիծ է, նշանակում է ձայնային ալիք: Երբ հաճախորդն իմանում է, որ այն երաժշտական ծառայություն է, անմիջապես տեսնում է կապը լոգոյի հետ: Անգամ այն լոգոները, որոնք նշում են ընկերության անունը` գործառույթի փոխարեն, կրկին նկարագրական են  /Apple/:

Ընկերության բրենդը հասկանալը ավելի հավանական է դարձնում գնումը: Այդ է պատճառը, որ հետազոտողները պնդում են օգտագործել նկարագրական լոգոներ: Հետազոտողները նաև ուշադրություն են դարձել այդ ընկերությունների եկամտի վրա և հասկացել, որ հսկայական կապ կա ճիշտ ընտրված լոգոյի և ընկերության եկամտաբերության միջև: Դա անելու համար հետազոտողները օգտագործեցին կառավարման փոփոխականներ, ինչպիսիք են սիմետրիան, գույնը և ձևը, որպեսզի հաշվեն լոգոների տարբերությունները, այնուհետև համեմատեցին վաճառքի հետ:

Նկարագրական լոգոների միակ բացասական կողմն, ըստ հետազոտողների այն է, որ այն սահմանափակ է ընկերությունների համար, որոնք մատուցում են, օրինակ, հուղարկավորության ծառայություններ: Հետազոտողների կարծիքով` եթե նորաստեղծ ընկերություններն ուզում են հաջողակ լինել, պետք է լավ մտածեն իրենց լոգոյի ընտրության հարցում:

Հեղինակ՝ Ժաննա Ավագյան

Մարքեթինգի ուժը ճարտարապետությունում
Նեյրոմարքեթինգ կամ ինչպես «կառավարել» գնորդներին

Առնչվող գրառումներ

Ինչպե՞ս ճիշտ կազմակերպել սոցիալական նախագծերի մարքեթինգը. Հռիփսիմե Մկրտչյան