Տեղի ունեցավ «Լավագույն Հայկական Բրենդ»- 2020 մրցանակաբաշխությունը:
Ամենամյա մրցանակաբաշխությունն այս տարի տեղի ունեցավ «Մեգերյան Կարպետ» մշակութային համալիրում: Չնայած 2020-ի բերած դժվարությունների և անհնարին թվացող անելիքների՝ Մարքեթինգի հայկական ասոցիացիան՝ Արամ Նավասարդյանի ղեկավարությամբ, իրականացրեց ավանդույթ դարձած միջոցառումը: 2020-ի օգոստոս-սեպտեմբեր ամիսներին «Գելլափ Ինթերնեյշնլ Ասոցիացիա»-ի հայաստանյան ներկայացուցիչ «Էմ Փի Ջի» ընկերության կողմից իրականացված հեռախոսային հարցումների արդյունքների հիման վրա որոշվեցին 2020-ի լավագույն հայրենական արտադրողներն ու ծառայություն մատուցող ընկերությունները։
«Մեծ թիմով անցանք գործի: Նախապատրաստական աշխատանքները տևեցին ամիսներ: Համավարակով պայմանավորված սահմանափակումները, պատերազմն ու հետևանքները անհնար էին դարձնում մտահղացման իրականացումը։ Թվում էր, թե մրցանակաբաշխություն անցկացնելն անիմաստ է դառնում, սակայն մենք հեշտ հանձնվողներից չենք: Հենց նման նախաձեռնությունները հայրենական արտադրողներին և հայկական տարբեր ընկերություններին քաջալերելու կարևոր ազդակ կարող են լինել՝ պետության հզորացմանն ուղղված իրենց ջանքերը կրկնապատկելու համար»,- ասում է մրցանակաբաշխության գլխավոր պրոդյուսեր Էդգար Այվազյանը։
«Մեր առաջ խնդիր էինք դրել անցկացնել Պրեմիում մրցանակաբաշխություն, և այդ ուղղությամբ ջանքեր գործադրեցինք։ Մրցանակները պատրաստելու համար մեզ աջակցեց «3D Իմպեքս» հայ-բելգիական ընկերությունը, որն ունի առանձնացող ձեռագիր և որակ, լավագույնը «Լավագույն հայկական բրենդ 2020» մրցանակաբաշխությունն իրականացավ նաև մեր պատվավոր գործընկերների՝ «SANITA» մաքրող միջոցների, «ԲԵԿՈՆ ՊՐՈԴՈւԿՏ» մսամթերքի էքսկլյուզիվ ու մեծ տեսականի ներկայացնող ընկերության և «Մեգերյան կարպետ» մշակութային համալիրի աջակցությամբ»,-պատմում է պրոդյուսերը։
Լավագույնը Ճանաչված ընկերություններին հանձնվել են երկլեզու պատվոգրեր /հայերենով և անգլերենով/, միջոցառման անցկացման համար ընտրվել էր ցինք հայկական գորգագործության արվեստի պահպանման հայտնի կենտրոնը՝ «Մեգերյան կարպետ» համալիրը, Էդգար Այվազյանի խոսքով մրցանակաբաշխությունը չեն վերածել շոուի, հրավիրվել է միայն մեկ կատարող՝էթնո-փոփ ժանրի երգչուհի Գաբի Գալոյանը։
«Մրցանակաբաշխությունը վարեց հայտնի հաղորդավար՝ Վահե Խանամիրյանը: Մի խոսքով՝ կարևորել էինք ազգայինը։ Մրցանակներ հանձնելու համար հրավիրել էինք պատվարժան մարդկանց, որոնց թվում էին նաև տարբեր ասոցիացիաների նախագահներ, առաջատար մասնագետներ: “The Best Armenian Brand 2020” նախագծի նպատակն է կարևորել հայկական արտադրողների և ծառայությունների բարձր որակը, ինչպես նաև քաջալերել ընկերություններին՝ լինել ավելի մրցունակ իրենց ոլորտներում»,- իր խոսքը եզրափակում է պրոդյուսերը:
Մրցանակաբաշխությունը կհեռարձակվի «Արմենիա» և Արմենիա Պրեմիում հեռուստաընկերությունների եթերում։
«Լավագույն Հայկական բրենդ 2020» ամենամյա մրցանակաբաշխության լավագույնի կոչմանն արժանացած հայրենական արտադրողներն ու ծառայություն մատուցող ընկերություններն են՝
«Տարվա լավագույն ապահովագրական ընկերություն»՝
«ՌՈՍԳՈՍՍՏՐԱԽ ԱՐՄԵՆԻԱ»
«Տարվա լավագույն հրուշակեղեն և տորթ արտադրող ընկերություն»՝
«ԴԱՆ ԴԵՍԵՐՏ»
«Տարվա լավագույն վճարային համակարգ»՝
«ԹԵԼ-ՍԵԼ»
«Տարվա լավագույն ռադիոկայան»՝
«ՌԱԴԻՈ ՎԱՆ», FM-103.1
«Տարվա լավագույն սուրճ արտադրող ընկերություն»`
«ՌՈՅԱԼ ԱՐՄԵՆԻԱ»
«Տարվա լավագույն մարզաառողջարարական համալիր»՝
«ՄՈՒԼՏԻ ՎԵԼՆԵՍ»
«Տարվա լավագույն ոսկյա զարդերի առևտրի կենտրոն»՝
«ՈՍԿՈՒ ԱՇԽԱՐՀ»
«Տարվա լավագույն էլեկտրատեխնիկայի խանութների ցանց» ՝
«ՎԵԳԱ»
«Տարվա բջջային հեռախոսների լավագույն խանութների ցանց»՝
«ՄՈԲԱՅԼ ՍԵՆԹՐ»
«Տարվա լավագույն բանկ»՝
«ԱԿԲԱ ԲԱՆԿ» ԲԲԸ
«Տարվա լավագույն գինի արտադրող ընկերություն»՝
«ԱՐՄԵՆԻԱ ՎԱՅՆ»
«Տարվա լավագույն արագ սննդի ցանց»՝
«ԿԱՐԱՍ»
«Տարվա լավագույն հեռուստաընկերություն»՝
«ԱՐՄԵՆԻԱ TV»
Մրցանակաբաշխությունը նկարների տեսքով՝
