Zara-ն իր ամբողջ պատմության ընթացքում գրեթե չի ունեցել գովազդային քաղաքականություն: Դրա փոխարեն նախընտրել է ներդնել իր եկամտի մի մասը նոր խանութներ բացելու համար: Բրենդը գովազդի վրա ծախսում է վաճառքի եկամտի ընդամենը 0.3 տոկոսը, այն դեպքում, երբ իր մրցակիցները գովազդին տրամադրում են 3.5 տոկոս: Բրենդի հիմնադիր Ամանսիոն երբեք հանդես չի եկել մեդիայում, ոչ էլ դիմել է գովազդի համար: Սա վկայում է բրենդի հաջողակ լինելու մասին, որին հաճախորդները գնահատում ու վստահում են, ինչն ամենակարևորն է: Գովազդի փոխարեն Zara-ն կարևորում է իր խանութների գտնվելու վայրն ու ցուցափեղկերը` որպես մարքեթինգային ռազմավարության բանալի տարրեր: Ընտրելով քաղաքի ամենահայտնի վայրերը որպես խանութի տարածք` Zara-ն ապահովում է հաճախորդների մեծ հոսք:
Zara-ի ցուցափեղկերը, որտեղ ցուցադրվում են հավաքածուի ամենահանճարեղ հագուստները, նույնպես ուժեղ գործիք են` ստեղծված մարքեթինգի մասնագետների կողմից: Շատ ժամանակ ու ջանքեր են ծախսվում որպեսզի այդ ցուցափեղկերը լինեն գեղեցիկ ու հնարավորինս ուշադրություն գրավող: Ըստ Zara-ի` արագ նորաձևության փիլիսոփայության` ցուցափեղկերը հաճախ են փոխվում և թարմացվում: Մարքեթինգային ռազմավարության կարևոր մաս է նաև խանութ-սրահի աշխատակիցների հանդերձանքը: Նրանք բոլորը հագնում են հատուկ համազգեստ, վերջիններս տարբերվում են՝ տվյալ տարածաշրջանի սոցիալ-տնտեսական առանձնահատկությամբ պայմանավորված:
Հետևելով ժամանակի թրենդներին` Zara-ն 2010 թվականին ստեղծել է իր օնլայն բուտիկը: Սկզբում կայքը հասանելի էր Իսպանիայում, Մեծ Բրիտանիայում, Պորտուգալիայում, Իտալիայում, Գերմանիայում, Ֆրանսիայում, հետո տարածվեց նաև մյուր երկներով: Արդեն 2017-ին Zara-ի օնլայն հարթակը ապահովում էր բրենդի ամբողջ վաճառքի 10 տոկոսը: Zara-ի հաջողության գաղտնիքների շարքում է հաճախորդի հետ մշտական կապի առկայությունը:
Այս բրենդի հաճախորդները համարվում են նրա հավաքածուի համաստեղծողները: 2015 թվականին Միկո անունով մի կին Տոկիոյի Zara-ից ցանկացել է գնել վարդագույն շարֆ, որը խանութում առկա չէր: Նույնը գրեթե միաժամանակ կրկնվեց նաև խանութի մի քանի այլ մասնաճյուղերում : 7 օր անց Zara-ի ավելի քան 2000 մասնաճյուղում սկսեցին վաճառել վարդագույն շարֆեր, որոնք վերջացան 3 օրից: Բրենդը հատուկ ուշադրություն է դարձնում, երբեմն նաև հատուկ պատրաստում է իր աշխատակիցներին լինել շատ ուշադիր, զգայում հաճախորդների կարիքների ու ցանկությունների նկատմամբ:
