Ովքե՞ր են աշխարհին հայտնի մարքեթինգի այն մասնագետները, որոնք ունակ են լուծելու միջազգային կորպորացիաների ճակատագրերը:
Ներկայացնում ենք հայտնի մարքեթոլոգների ցանկը, ովքեր իրենց գործունեությամբ կարողացել են ամբողջ աշխարհին ապացուցել, թե ինչ է համոզելու ունակությունը:
1. Sergio Zyman-ը և Ամերիկայի նոր համը.
Հնարավոր չէ գտնել մեկի, ով չի փորձել Coca-Cola, սակայն քչերը գիտեն, որ այն ստեղծողները լրջորեն ցանկանում էին Coca-Cola-ն փոխարինել New Coke-ով:
Հենց այստեղ էլ կծանոթանանք Sergio Zyman-ի հետ, ով, 80-ականներին լինելով ընկերության գլխավոր մարքեթոլոգը, կանգնած էր մարքեթինգային պատմության մեջ հայտնի ձախողված արշավի հետևում: Նոր կոլան շուկայում 3 ամիս էլ չմնաց: Իրական համը վերադարձվեց 77 օր հետո: Բայց Sergio Zyman-ը չընկճվեց և ամբողջովին վերակազմավորեց մարքեթինգային կազմակերպությունը՝ այն ամրապնդելով որպես համաշխարհային առաջնորդ ընկերություն: «Ընդմիշտ Կոկա-Կոլա» արշավը 5 տարվա մեջ վաճառքի աճն ավելացրել է 50% -ով `10-ից հասցնելով 15 միլիարդ տուփի:
«Մարքեթինգը բիզնես է և գիտություն, բայց ոչ մոգություն»,- ասել է Sergio Zyman-ը:
2. Howard Schultz-ը և մի բաժակ բուրավետ սուրճը.
Գալով Starbucks՝ Howard Schultz—ն ընդմիշտ փոխեց սուրճի վաճառքի սովորական ընկերությունը, այն վերածեց սրճարանների համաշխարհային ցանցի, Ընկերությունը փրկեց կործանումից և 300% -ով ավելացրեց շահույթը: Ինչպե՞ս արեց դա:
Նա սկսեց լայնածավալ գովազդային արշավ, անցկացրեց տեխնիկական թարմացում և կայացրեց մի քանի անսովոր որոշում: Schultz-ն անձամբ հանձնարարեց մենյուից հանել սենդվիչները, որոնց հոտը ծածկում էր սուրճի հոտը և կրկնապատկեց աշխատակիցների բժշկական ապահովագրության գինը:
«Եթե ուզում եք ստեղծել մեծ ձեռնարկություն, ապա դրա համար պետք է քաջություն ունենաք: Երազելով ինչ-որ «փոքր» բանի մասին՝ դուք երբեք չեք ունենա «մեծ»-ը: Շատ մարդկանց բավական է նաև «փոքր»-ը: Բայց եթե ուզում եք, որ աշխարհը նկատի ձեզ, և ձեր ստեղծագործությունն ապրի դարեր, պայքարեք:
Ո՞ւմ է պետք երազանքը, որին կարող ես դիպչել ձեռքով», ասել է Howard Schultz-ը:
3. Steve Jobs-ը և խնձորը.
Ըստ Apple-ի աշխատակիցների՝ Steve Jobs-ի համար ամենասարսափելի բառերը, որոնք նա ատում էր, «մարքեթինգը» և «բրենդ»-ն են եղել: Նրա կարծիքով՝ մարդիկ այս բառերը ասոցացնում էին հեռուստատեսության և գովազդի հետ: Jobs-ի համար ամենակարևորը մարդու և արտադրանքի հարաբերությունն էր: Հետևաբար, «ապրանքանիշ» բառը ընկերությունում ընկալվում էր որպես վիրավորական:
Apple-ն իր գովազդային արշավները դիտարկում էր հնարավորություն՝ սպառողներին պատմելու իրենց արտադրանքի մասին, թե ինչպես դրանց օգտագործումը կարող է բարելավել կյանքը: Կարևորն այն էր, որ մարքեթինգային թիմը շատ սերտորեն համագործակցեց ծրագրավորողների հետ: Սա թույլ տվեց մարքեթոլոգներին հասկանալ, թե որն է ծրագրավորողների նշաձողը, մոտիվացիան և այն, թե արտադրանքն, իրենց կարծիքով, ինչպե՞ս պետք է ազդեր մարդկանց կյանքի վրա:
Այսպիսով, Steve Jobs-ը դարձավ ամենահայտնի շուկայավարողներից մեկը՝ հակառակ իր մարքեթինգի նկատմամբ հակակրանքի: Այդպիսին է ճակատագրի հեգնանքը:
«Դուք չեք կարող հաճախորդին հարցնել, թե նրան ինչ է անհրաժեշտ, չէ որ այդ պահին, երբ դուք կհարցնենք, նրանք նոր բան կցանկանան»-, ասել է Steve Jobs-ը:
4. Nikolay Shustov-ը և ալկոհոլը.
Ցարական Ռուսաստանում ամենահայտնի գովազդային արշավն իրականացրել է մարքեթինգի լավագույն մասնագետներից մեկը՝ Nikolay Shustov-ը՝ առանց մեկ ռուբլի ծախսելու: Ալկոհոլի շուկան ամբողջությամբ գրավելու համար, նա հնարեց մարքեթինգային բարդ քայլ, վարձեց մարդկանց, ովքեր գնում էին բարեր, պանդոկներ, ռեստորաններ և պատվիրում «Шустов» օղի: Մերժում ստանալով՝ ծեծկռտուք էին սկսում: Բնականաբար, կռիվների պատճառների մասին տեղեկատվությունները շատ արագ տեղ գտան թերթերում, և մի քանի շաբաթվա ընթացքում խմելու բոլոր հաստատությունները սկսեցին վաճառել Շուստովի ալկոհոլային խմիչքները:
Հեղինակ՝ Մարինե Գասպարյան
