Աշխարհահռչակ մի շարք բրենդներ ստեղծվել են պատերազմական տարիներին՝ անհրաժեշտությունից ելնելով: Որոշ բրենդներ հպարտությամբ են նշում այդ փաստը, որոշներն էլ՝ ամեն կերպ փորձում են թաքցնել: Մի բան հստակ է. նրանք կա՛մ գոյություն են ունեցել ու ստեղծել են նոր արտադրանք հատուկ բանակի համար, կա՛մ սկիզբ են առել հենց այդ տարիներին ու այդ պայմաններում:
Jeep մակնիշի առաջին մեքենաները ստեղծվել են 1941թ.-ին: Willys MB Jeeps ամենագնացները դարձել են Երկրորդ համաշխարհայինի ամենատարածված քառանիվ մեքենաները:
Հայտնի M&M’s-ի բաղադրությունը մշակվել է Իսպանիայում քաղաքացիական պատերազմի տարիներին: Նախքան դա զինվորականները ստիպված էին շոկոլադը փաթաթել կարամելի մեջ, որպեսզի այն չհալչի: Այդ ժամանակ ԱՄՆ-ից դուրս վաճառք իրականացնելու նպատակով Ռոունթրի ընտանիքն էլ ստեղծել է Smarties կոնֆետները, որոնք շատ նման էին M&M’s-ին:
1851թ.-ին ստեղծված Aquascutum ընկերությունը 1856թ. Ղրիմյան պատերազմի ընթացքում բրիտանացի զինվորներին տրամադրում է ջրակայուն շինելներ: Լատիներենից թարգմանաբար Aquascutum նշանակում է «aqua»-ջուր, «scutum»-վահան: Իսկ նկարում Չերչիլն է` այդ վերարկուով:
Ամենահայտնի արևային ակնոցներից Ray-Ban Aviator-ը ստեղծվել է հատուկ հրահանգով: Անհրաժեշտ էր ստեղծել ակնոց, որը կնվազեցներ օդաչուների գլխապտույտն ու սրտխառնոցը թռիչքների ժամանակ: Առաջին նմուշը ստեղծվել է 1936թ.-ին, որն ուներ կանաչ ապակի:
Երկրորդ համաշխարհայինի ժամանակ արգելվել էր Կոկա-Կոլայի մատակարարումը, իսկ ընկերության գերմանական ստորաբաժանումը որոշեց նոր ըմպելիք ստեղծել պատերազմող երկրում առկա միջոցներից ու բաղադրանյութից: Առաջացավ Ֆանտան, որի անվան հիմքը գերմաներեն «երևակայություն» բառն է: Իսկ 1955թ.-ին Ֆանտան դուրս եկավ համաշխարհային շուկա:
Հեղինակ` Ժաննա Ավագյան
