We Make -ի հիմնադիր Դիանա Գևորգյան
-Ինչու՞ որոշեցիք բացել խանութը, որքանո՞ վ է այս մոդելը նպաստում բիզնեսի զարգացմանը:
-Հիմա` բիզնեսի զարգացման այս մակարդակում միայն մի բրենդի համար խանութ բացելը բավականին ծախսատար կլիներ ու ոչ ձեռնտու: Այդ առումով այս տարբերակը շատ հարմար էր: Իսկ, որ ավելի կարևոր է, իմ նպատակն էր հարթակ ստեղծել նորաստեղծ և ոչ այդքան հայտնի հայկական բրենդների աշխատանքները ներկայացնելու համար: Այս պահին խանութի, որպես առանձին բիզնեսի, եկամուտը դեռ այդքան մեծ չէ, բայց հետագայում, բրենդների քանակի ընդլայնման դեպքում /այս պահին ավելի քան 12 բրենդ է ներկայացված/, ավելի եկամտաբեր կդառնա:
-Ինչու՞ ընտրեցիք հենց այդ անունը, լոգոն:
-Անվան ընտրությունը շատ պատահական ստացվեց: Քանի որ գրեթե ամբողջը հայկական արտադրության է ու հիմնականում ձեռքի աշխատանք, որոշվեց We Make` մենք պատրաստում ենք, անունը: Այս անվանումը, ըստ իս, համահունչ է մեր առաքելությանը:
Իսկ լոգոն պետք է լիներ թարմ և մինիմալիստական՝ համապատասխան այսօրվա թրենդերին:
-Առաջնահերթ ի՞ նչն եք կարևորում խանութի աշխատանքի մեջ:
-Խանութում մենք շատ ենք կարևորում յուրաքանչյուր հաճախորդի նկատմամբ ուշադրությունն ու անհատական վերաբերմունքը: Մենք ցանկանում ենք նաև, որ խանութը որպես ապրանքանիշ ընկալելի դառնա հանրության համար: դա կամրապնդի մեր կապը հաճախորդների հետ և վերջիններիս վստահությունը մեր հանդեպ:
-Մարքեթինգային ո՞ ր գործիքների օգնությամբ եք փորձում բիզնեսն առաջ տանել:
-Քանի որ մենք ապրում ենք թվային դարաշրջանում, փորձում ենք օգտագործել առցանց բոլոր միջոցները մեր ծառայությունները պոտենցիալ հաճախորդներին հասանելի դարձնելու համար: 
Այս պահին մենք հասանելի ենք թե՛ Facebook-ում, թե՛ Instagram-ում, որտեղ հաճախ անցկացնում ենք մրցույթներ և ցուցադրում մեր նոր տեսականիները՝ պրոֆեսիոնալ լուսանկարների միջոցով:
Հեղինակ` Ժաննա Ավագյան
