Փոքր ճարտարապետական ձեռնարկությունները հիմնականում չունեն հսկայական բյուջե կամ մեծ անձնակազմ, որոնք կարող են հատկացնել մարքեթինգին։ Բայց մեր օրերում դա հնարավոր է անել երբեմն նույնիսկ անվճար: Ստորև ներկայացնում ենք փոքր բյուջեյով ճարտարապետական ձեռնարկությունների մարքեթինգը հաջողակ իրականացնելու 3 ճանապարհ։
- Մի՛ թերագնահատեք սոցիալական մեդիան։
Սոցիալական մեդիան մարքեթինգային այն գործիքն է, որին ճարտարապետների մեծամասնությունը լուրջ չի վերաբերվում՝ չնայած այն կարող է բերել իրական հաճախորդներ: «Սոցիալական ցանցն այն վայրն է, որտեղ հասարակությունը խոսում է իր կյանքի մասին: Ճարտարապետները պետք է շահագրգիռ լինեն այդ խոսակցությանը միանալու համար»,- մի առիթով ասել է ճարտարապետ Ջոդի Բրաունը: Scharly Designer Studio-ից Լիոնել Շարլին մեծ հաջողություններ է ունեցել Houzz հարթակի օգնությամբ: «Մոտ վեց ամիս առաջ ես այս կայքի միջոցով անմիջապես կապվել եմ կառուցապատողի հետ, ով խնդրեց ինձ լինել Ֆլորիդայի 2 միլիոն դոլար արժողությամբ շքեղ առանձնատան ճարտարապետը», — ասել է նա:
- Ստեղծե՛ք վստահություն ձեր բրենդի նկատմամբ:
Սահմանափակ մարքեթինգային բյուջեն ճարտարապետության դեպքում նախևառաջ պետք է ներդնել վեբ կայքի գործարկման մեջ․ այն ձեր բրենդի հիմնական բաղադրիչն է: Իսկ կայքը պետք է ձևավորել՝ մտքում ունենալով պոտենցիալ հաճախորդներին: «Ճարտարապետական վեբկայքերի մեծ մասը ձևավորված են այլ ճարտարապետների համար, բայց դրանք միշտ չէ, որ պատմում են հաճախորդներին իրենց մասին»,- ասում է LePage- ը: «Հաճախորդները գալիս են ճարտարապետների մասին՝ իրենց կառուցված պատկերացումներով, և ձեր գործն է փոխարինել այդ պատկերացումները ձեր սեփականով»: Ձեր արած ամեն ինչ դառնում է ձեր բրենդի մի մասը `ոչ միայն ձեր վեբ կայքը, սոցիալական մեդիայի առկայությունը և «վերելակի հարթակ»-ը /Elevator pitch/, այլև ձեր հագած հագուստը, ձեր մեքենան և ձեր գրասենյակը ներկայացնելու ձևը: Այն, ինչ ներկայացնում եք սոցիալական մեդիայում, օգնում է ստեղծել ձեր բիզնեսի վստահությունն ու հավաստիությունը:
- Խոսենք Elevator pitch-ի /ներկայացում վերելակում/ մասին։
Նեթվորքինգը սերմեր տնկելու պես է, իսկ սերմ տնկելու լավագույն միջոցը մարդկանց պատմելն է, թե ինչ եք անում ՝ ձեր վարսահարդարից մինչև ձեր սիրելի սրճարանի մատուցողը: Երբեք չեք իմանա, թե որ սերմը կծաղկի և կհանգեցնի ապագա հաճախորդի՝ անմիջականորեն կամ ծանոթությունների և կապերի միջոցով: M&R մարքեթինգային խումբը ասում է, որ այստեղ հաջողելու ամենակարճ ճանապարհը ձեր ընկերության ծառայությունների կամ ապրանքների մասին խոսելիս իրական և վավերական լինելն է։ Կարևորն այն է, որ ձեր մասին պատմող տեքստը կամ տեսանյութը լինի ոչ պաշտոնական, հաճախորդների հետ պետք է լինել անմիջական ու ընկերական։
